Новости

Направете БЕСПЛАТНА ЛЕТНА ПРОВЕРКА на возило за АМСМ членови

Искористете ја привилегијата да се биде АМСМ член и соодветно подгответе го своето возило за претстојната летна сезона.

 

Закажете бесплатна летна проверка на возило, која ги вклучува следните услуги:

- Проверка на надворешност на возилото: осветлување и звучна сигнализација;
- Проверка на внатрешност на возилото: осветлување во кабина;
- Проверка на моторен простор: ниво на масло во мотор, контрола на антифриз, на кочиона течност, течност за серво управувач, состојба на акумулатор и визуелна проверка на состојбата на моторот; и
- Проверка на долен дел на возилото: потрошеност на предни и задни кочиони облоги, состојба на предни и задни сврзни елементи на потпирањето, состојба на елементите од системот за управување, состојба на елементите од погонскиот систем, состојба на елементите за потпирање на моторот и состојбата на пневматиците на тркалата.

 

Услугите од летната проверка на возило за АМСМ членови се бесплатни, а резервните делови и потрошниот материјал ви се достапни со попуст од 5-10% за АМСМ членови.

 

Дополнително, за набавка на филтри за воздух, масло, гориво и полен од АМСМ сервисот за автомобили, како АМСМ членови добивате нивна бесплатна замена.

 

Бесплатна летна проверка на возило за АМСМ членови ќе можете да направите во АМСМ сервисот за автомобили во Скопје – Центар, лоциран веднаш до станицата за технички преглед и во АМСМ Велес.

 

Акцијата важи во периодот од 01.06 до 30.06.2017 година, само со претходно закажување на АМСМ инфо-линија на 02/3181-181.